| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 56.35 | Dem. 56.38 (English) | >>Dem. 56.41 |
56.37ἄνδρες Ἀθηναῖοι , πάνυ ἁπλοῦν ἐστιν διαγνῶναι ὑμῖν ὑπὲρ ταύτης τῆς δίκης , καὶ οὐδὲν δεῖ λόγων πολλῶν . ἡ ναῦς ὅτι μὲν σέσῳσται καὶ ἔστιν σῶς , καὶ παρʼ αὐτῶν τούτων ὁμολογεῖται (οὐ γὰρ ἂν ἀπεδίδοσαν τό τε ἀρχαῖον δάνειον καὶ τῶν τόκων μέρος τι ), οὐ κατακεκόμισται δʼ εἰς τὸν Πειραιᾶ . διὰ τοῦτο ἡμεῖς μὲν οἱ δανείσαντες ἀδικεῖσθαί φαμεν , καὶ ὑπὲρ τούτου δικαζόμεθα , ὅτι οὐ κατέπλευσεν εἰς τὸ συγκείμενον ἐμπόριον .
56.38Διονυσόδωρος δὲ οὔ φησιν ἀδικεῖν διʼ αὐτὸ τοῦτο · οὐ γὰρ δεῖν αὑτὸν ἀποδοῦναι πάντας τοὺς τόκους , ἐπειδὴ ἡ ναῦς οὐ κατέπλευσεν εἰς τὸν Πειραιᾶ . ἡ δὲ συγγραφὴ τί λέγει ; οὐ μὰ Δίʼ οὐ ταῦτα ἃ σὺ λέγεις , ὦ Διονυσόδωρε · ἀλλʼ ἐὰν μὴ ἀποδῷς τὸ δάνειον καὶ τοὺς τόκους ἢ μὴ παράσχῃς τὰ ὑποκείμενα ἐμφανῆ καὶ ἀνέπαφα , ἢ ἄλλο τι παρὰ τὴν συγγραφὴν ποιήσῃς , ἀποτίνειν κελεύει σε διπλάσια τὰ χρήματα . καί μοι λέγε αὐτὸ τοῦτο τῆς συγγραφῆς .ἔστιν οὖν ὅποι παρέσχηκας ἐμφανῆ τὴν ναῦν , ἀφʼ οὗ τὰ χρήματα ἔλαβες παρʼ ἡμῶν , ὁμολογῶν σῶν εἶναι αὐτός ; ἢ καταπέπλευκας ἐξ ἐκείνου τοῦ χρόνου εἰς τὸ Ἀθηναίων ἐμπόριον , τῆς συγγραφῆς διαρρήδην λεγούσης εἰς τὸν Πειραιᾶ κατάγειν τὴν ναῦν καὶ ἐμφανῆ παρέχειν τοῖς δανείσασιν ;
Συγγραφή
ἐὰν δὲ ...μὴ παράσχωσι τὰ ὑποκείμενα ἐμφανῆ καὶ ἀνέπαφα ,ἢ ποιήσωσίν τι παρὰ τὴν συγγραφήν ,ἀποδιδότωσαν διπλάσια τὰ χρήματα .
56.39
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 56.35 | Dem. 56.38 (English) | >>Dem. 56.41 |
